O pasado martes 6 de setembro as nosas compañeiras de DMD Galicia Isabel Blanco, médica xubilada, Leonor Estévez, médica de emerxencias extrahospitalarias do 061 e Alexandra Sanmarful, médica experta en coidados paliativos, participaron no curso de verán da USC “A PRESTACIÓN DE SERVIZOS SANITARIOS ANTE OS RETOS DO SÉCULO XXI” que tivo lugar na facultade de dereito entre os días 4 e 7 de setembro.
As compañeiras fixeron un percorrido polas leis da nosa comunidade que teñen que ver coa toma de decisións das persoas en relación á asistencia sanitaria e o necesario cambio de paradigma da mesma, abondando no testamento vital (documento de instrucións previas en Galicia) e no dereito a decidir sobre a propia morte:
- Lei de 2002 de autonomía do paciente e de dereitos e obrigas en materia de información e documentación clínica.
- Lei de 2015 de dereitos e garantías da dignidade das persoas enfermas terminais.
- Lei Orgánica de 2021 de regulación da eutanasia (LORE).
Comparte este artículo